يا عنوانى .. والحانى
يازهرة جوة بستانى
يا قسمانى على الأيام
مشاعر حب ربانى
يا رسمانى مع الأحلام
امانى فى السنين طارحة
يا فرحة بتسبق الفرحة
ودنيا قلبها مفتوح
وفين ماتروحى قلبى يروح
وفين ما تحطى قلبى يحط
وتشربنى الحياة فيكى
ويسرى الضى فى سنينى
مافيش غيرك يسلينى
مافيش غيرك يهنينى
ويروينى من الإحساس
وقلبى خلاص
وقع منى فى كاس حبك
وروحك كلمت روحى
ومال وردى على فـُلك
ودفانى الحنين فيكى
وبيكى العمر بقى واحة
حضنتك بس بالراحة
عشان ما اجرحش تكوينى
زمانى والأمل وانت
تلاتة بيرسموا عمرى
وعمرك ذادى بيحيينى
نادينى زى ما تحبى
هتلقينى انا وحبى
بساط الريح
وابوح لك با للى مالينى
واوعى فى يوم تخلينى
احس ان انت برايى
***********************
***********************
ليست هناك تعليقات:
إرسال تعليق