أيها السادة الأحباب جاء دور الحلقة الثانية من الرباعيات والسيجال الدائر بين شاعرين من شعراء منتديات كنوز تمر حنة رحمها الله وهما الشاعر المميز خالد أمين والشاعر الشيخ محمد شرف وتعالوا معنا لنرى عن ماذا يسفر هذا السيجال بينهما ؟
الشيخ محمد شرف
****
أوراقى دبلت وحزينة
وحبيبتى حلوة ورزينة
أشوف معاها كل الخير
دى هيه هايلة وأمينة
****
الشاعر خالد أمين
****
أمينة حبيبتى على حبى
ودايما ف المحن جنبى
أدوق المر تتألم
ودايما قلبها بقلبى
****
الشيخ محمد شرف
****
قلبى ليها بينادى
نداء جميل حلو وهادى
يلا حبيبتى نبص لفوق
دا الليلة أجمل أعيادى
****
الشاعر خالد أمين
****
أعيادى كتير ف أيامى
والفرحة طالة أدامى
ولادى عززوا فيا
ورجعلى مجد اسلامى
****
الشيخ محمد شرف
****
اسلامى دايماً قدامى
بشوف معاه أحلى أيامى
ورسولنا هو إمام الدين
اسمع بقى جد كلامى
****
الشاعر خالد أمين
****
كلامى ف الهوا طاير
عشان الحق أنا حاير
أقول الكلمة تأذينى
وأخرة الصدق نتعاير
****
الشيخ محمد شرف
****
نتعاير مين يا أبو أمين
دا إنت حبيبى حلو وزين
حبيبى الكل يشهد لك
بعقل رشيد كمان ورزين
****
الشاعر خالد أمين
****
رزين ياعقلى ونافعنى
لكل كلامى تسمعنى
حتى ف لحظة طيش
تخدنى للنار وتلسعنى
***********************
***********************
ليست هناك تعليقات:
إرسال تعليق