من بين سحاب العمر
جت ساعه صفا
كتفتها وسحبتها يم الهدوء
وفضلت الم الشوق
وافرق ع الثوانى
وفتحت أحضان الأمانى للسنين
ومشيت على ضى الحنين
عابرسبيل
عليل وجرحى للشفا
مش لاقى مينا
والصبر زينهَّ والأمل مداد
ويوماتى باحلم
بالوداد يملانى نور
يخضر بور العمر
وتغنى الحياه
طلع القمر بدد ضلام الأه
طرحت زهور الحب
فى كل إتجاه
تاه الألم ونصبت سامر فرحتى
ونسيت مرارة دنيتى
وجريت عليه
من وقت حبى... ما خدنى ليه
قلبى طلع من ذمتى
ووهبته ليه
ما انا شوفت فيه نورالأمل
ناصب لليلى مشنقه
والروح بتسرح فى اللقا
تفرش أمان
وتغنى ألحان الوفــا
والقى الصفا
بيطل من نظرة عينيه
ما انا شوفت فيه
الضيق براح
والحب ملاح الحياه
والصدق والإخلاص بحور
والطيبه قارب للنجاه
والجَّـاه حبايب
كل يوم حواليه بتكتر
من غير ما فكر جبت لك
عمرى إللى باقى
من سواقى دنيتى
وحفان أمل خايف عليه
خليه معاك أتقوىَ بيه
يمكن فى يوم أحتاج حروف
تقدرمعاىَّ ع الظروف..
القاها فيك
ما انا شوفت فيك
الفجر طارح كام صباح
والسماح فوق الجبين
وتحت الجلد ناس عايشين
وفوق القلب كوم عاشقين
وبين الضلع والتانى
ينام صاحب يقوم كاتب
قصايد بكر فى الدواوين
وبين أحنا وبين إنت
يدور الراوى بربابهَّ
صحيح احنا
غلابة والفؤاد مجروح
لاكين دايمًا
بنردم ع الجروح بالصبر
وبنخطى على الاوجاع
وطول العمر في إيد ينا
شراع الاحترام عالى
وطوالى بنبد ر خير
ونشرب م الرضا بالكف
يلف الزهر ويجللى ِ
ياخدنا الصبر ويعللى ِ
ويملا حياتنا بالانــوار
مكانك للحبايب دار
وصدرك للصفا مفتوح
وجوهَّ الروح
كتبت الكل فى واحد
وانا شاهد بإنك بلسم الايام
بتشفى بالسلام دائى
وتروى شراقى حرمانى
متسأ لنيش عن الماضى
ولا تلومنيش على الحاضر
وشاور هتلا قينى نسيم
يزيح الغيم ويستناك
لاتقول هناك ولااقول هنا
ياشـط خالى م الأ نا
حالـف على الدنيا الفنى
إنك لاتركب مُهرَها
ولاسحرها
غير معالم سكتك
هَاتعيش معاىَّ ف كربتى
وهاعيش معاك فى غربتك
ونبص للأ حلام سوا
ونعوض العمر اللى ضاع
يمكن يعود الد ق
للفن الهزيل
وان ذل بينا مركب الابداع
تعلا الشراع
وتقدف المواويل
***********************
***********************
ليست هناك تعليقات:
إرسال تعليق