جرس الكنايس حضن صوت الأذان
صوت شعب واعي مليان بقوة الايمان
من قبل يوم 30 ملايين متجمعين في الميدان
يحكوا حكاية وطن علي صوت أغاني زمان
تاريخ كفاح ما يتمحي في يوم من الأذهان
مستنين بشرة تزيح عن صدرهم غمة
حاكم عشيرته يروح في عالم النسيان
خرج البطل يوم تلاتة يوليو علي الأمة
ببشري كان الشعب ليها عطشان
زال الكابوس وانزاحت الغمة
أعلن خريطة ترسم مستقبل الأوطان
سمع الشعب البيان بنشوة
دلوقتي بس نرجع بيوتنا باطمئنان
لكن البطل كان قدامه لسه مهمة
منهم طلب أمر وتفويض في بيان
يواجه ارهاب محتمل من الأخوان
خرج الشعب ملايين لتفويضه
والكل كان صايم صيام رمضان
جرس الكنايس حضن صوت الأذان
صوت شعب واعي مليان بقوة الايمان
مسيحي مسلم فطروا سوي في الميدان
موريس يقدم البلح بابتسامة لأخوه عثمان
قسمت أمينة اللقمة بفرح مع اختها ماريان
عشرة قديمة جمعانا قبل الزمان بزمان
الكل صايم تعبير عن الوحدة
قسموا اللقمة سوى بفرحة في الميدان
جرس الكنايس حضن صوت الأذان
صوت شعب واعي مليان بقوة الايمان
قمنا لصلتنا نشكر ربنا علي نعمه
حرسنا أخونا في الوطن من غدرت الأخوان
قام صلي هو واحنا حارسينه بأجسدنا
وحدة قلوب يا جدع
شعب اتخلق ما يعرف الفرقة
معدن أصيل ساعة الشدايد يبان
هي كده مصرنا أول حضارة للأنسان
جرس الكنايس حضن صوت الأذان
صوت شعب واعي مليان بقوة الايمان
صلاح منير
مصر
***********************
***********************
ليست هناك تعليقات:
إرسال تعليق