غني الوجع ع الناي
طلع الغنا مواويل
صبح اللي رايح جاي
ونهارنا اصبح ليل
ياصبر ليه الخوف
خلينا مرة نعيش
الكف ليه. مكتوف
واللبس اصبح خيش
يابن البلد رحماك
بص بعين الرضا
بنلف هنا وهناك
نرجع نلاقي الفضا
ابدر تقاوي الامل
تطرح هنا وسرور
افتح بيبان للعمل
ازرع اراضي البور
دي بهية لسه بخير
ولا عمرها هتبور
خطابها والله كتير
شباب سيماهم نور
والحق مهما يغيب
مسيره يوم هيعود
ربك عليم بالغيب
والبركة ف الموجود
انا قلتها وخلاص
لما الضهور انحنت
شبعنا ضرب رصاص
خلي لنا ضهر وسند
***********************
***********************
ليست هناك تعليقات:
إرسال تعليق