عزفتم باقلامكم فلامستم الاقمار
تخطيتم باحرفكم الاسوار
يجمعنا نبض القلم دائما
فتحيا العروبة وطن الاحرار
مبارك لكم جميعا
المركز الثالث
الشاعر/ معوض حلمي علي
عامية
...................................
....... تعيش مستور .......
................................
عشان قلبك على الفطره
وماشي السكه بالنيات
ومش خايف من المكتوب
برغم إن الحياه حاله
تلاقي هناك عقول عاله
كما الأموات ولا بتتوب
وليلها يادوب ضلام حالك
وإنت بقلبك السالك
شاقق ضلمة السطوه
وماشي الخطوه بالعافيه
برغم اللقمه مش كافيه
ولاشافيه آهات الجوع
مصاحب قلبك الموجوع
مالكش رجوع برغم الزيف
بتضحك ضحكه مش ع الكيف
وشايل ع الكتاف همك
ولا همك يسيل دمك
ولا هدومك تصون لحمك
وتبدر حلمك المشتور
وأرضك بور
ودايره الساقيه ع الآخر
على الشطين ضمير نافر
وبير مهجور
ومش لاقي طريق للنور
وعدى العمر بتعافر
وتتمنى تعيش مستور
..............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
***********************
***********************
ليست هناك تعليقات:
إرسال تعليق