...............................بقلم الشاعر دهيمات الوردي ...................
..............................زمان و فات .........................
لميمة لحنينة حاكيني شويه ..................أوصفيلي الزمان لي عشتي فيه
زمان الحرمة و النيف و معاها النية.........زمان بمال الدنيا عمرك ما تشريه
قاتلي اااه يا وليدي وين رجعت بيا ..........إلي فات مات ما عاد تلاقيه
واش نهدر يا وليدي دمعت عينيا ............زمان و فات علاش تفكرني بيه
زمان الراجل راجل و لولية ولية.............و لقدر عالي واحد ما يسمح فيه
و عيوبنا مستورة ما سمعنا بحرية..............ومشاكلنا شيوخ كبار تتكفل بيه
الهدرة ميزان و رزانة و عقلية ............... الكل يطبق لي تافقو الشيوخ عليه
كنا فقراء بصح لكرم فينا ميزة.............و الضيف الدار بكاملها تصبح ليه
و لغريب نهدرو معاه بخط برية .............و لبرية هي لي جيب خبارو منهيه
و لمعيشة نتاعنا من أرضنا الحية ............ما ناكل دواء عمرنا سمعنا بيه
حبات طعام مفتولين بكف يديا................ومحلى حوش بين الجيران و القعدة فيه
نوض أخطيني يا وليدي متزيدش عليا ........حاب دير شعر و تنشرو منهيه
خليني نرقد الدنيا دارت بيا ..................تاخر الزمان أنتوما ماليه
***********************
***********************
ليست هناك تعليقات:
إرسال تعليق