سلام الله على الأحباب
من ديوان / ولسه الفؤاد عطشان
للشاعر / مصطفى فريد
سلام الله على الأحباب
أصحاب طه رسول الله
نبدى القول بمدح رسول
على الأرغول نشيد ذكراه
طه نبينا كحيل العين
يارب أوعدنى أكون وياه
انا والمخلصين للدين
عشان تشرب عيونى ضياه
ويفضل حبه فى الشرايين
سراج سابح فى ضى بهاه
نبى عربى شفيع وضمين
بأمر المولى جل علاه
محمد ابن عبد الله
تعالوا نكمل إللى بناه
نعيد الذكرى فى البنيان
ونحيى معاه حدود الله
بقوة وصبر وبإيمان
نعيد فيها إللى منا تاه
نعمرها بدعا وصلوات
ونحميها بعون الله
من الحاقدين على الإسلام
نعلمهم بحنيه
بروح طاهره وعزم شباب
يكون إسلامنا وسطيه
أأمتنا مع شيوخنا
مع ولادنا فى أغنيه
كلمة كتبها قلب جميل
ولحنها بحريه
قلوب تعشق صفات الخير
وطيبه جيناتها فطريه
بتزرع فى المساجد نور
صفوف أنوارها ملاليه
قلوب عاشقة لدين النور
وخاليه من الأنانية
بيجتمعوا على الصلوات
فى كل آدان مسميه
باسم الواحد القهار
قلوب طاهرة منديه
تكافلهم. تزاحمهم
على الخيرات فى سرية
تراحمهم تكاتفتهم
رباط ما فهش فئويه
فقيرهم مش المال
قلوب بالحب مرضية
***********************
***********************
ليست هناك تعليقات:
إرسال تعليق