عزفتم باقلامكم فلامستم الاقمار
تخطيتم باحرفكم الاسوار
يجمعنا نبض القلم دائما
فتحيا العروبة وطن الاحرار
مبارك لكم جميعا
المركز الاول
الشاعر / ياسر رحيم
انا عارفك
شعر عامية _خاص بمسابقة وحي الصورة
ياسر رحيم_ج م ع الاسكندرية
__
انا الحلم ال فات
مرة علي نيلك
ومات عطشان
انا ضل الخضار فيكي
وعود يبسان
انا الصبر حبال دايبة
بيمسكها واحد يأسان
ولما أقول يا امي
تحني عليا و ضمي
وتحميني من النسيان
انا بشحمي انابلحمي
انا المفروض اكون فيكي
انا الانسان
باصة عليا بأستغراب
ما هو حقك
بقينا اغراب
دا لوم ولا قوليلي عتاب
دي لقمة لاممها من ارضك
عليها تراب
توارب فوش الجوع
شوية الباب
عايزة اقول انا المحقوق!
ماليه حقوق
واول حق يا امي
ما مدش ايدي فالصندوق
انا عارفك وجهلاني
عينيكي يدوب شايفاني
انازرعك ..لكن طارح
في نص ارضك التاني
دا فيكي شوارع
ياما كتير عارفاني
وفيكي رصيف اخر الليل
بيستني
بكل الشوق
عشان آخده فأحضاني
ساعات يبقى يكون
آسي
أهو ماشي
ف عز البرد لملمني
ودفاني
وكان اولى تكوني انتي
ضماني
ولما حد يسألني
بقول ان انتي عنواني
انا اسف
ما انا معرفش والله
وطن تاني
هقولك أيوا بصراحة
بكل وضوح وبساطة
ياحاضنة النور
وسدة فوشي مية طاقة
انا فيكي مجرد
اسم ف بطاقة
ياسر رحيم
الاسكندرية
***********************
***********************
ليست هناك تعليقات:
إرسال تعليق