ها محرم ..الشاعر مصطفى البياتي

جيت اريد انة اعتذرلك وانتة جيت ..

شاعر ومهدود حيلة أمن العراق ..

ما كدر يكتبلة بيت .

موقفك رايدلة همة . . ودمع يجري . وحيل زين ..

وانة دمعاتي اذرفتهة ..

يم كبور خوان راحوا..

هسة يمك يا حسين..

والتشابيه القديمة . وياي عاشت ...

بكل فرع منصوب جادر .. وانة باقي احسب خيام..

وعدنة جم عباس طاح..

ما يريد تفرع اختة.. وعالشريعة البيهة ساتر دم نزف ...

والجفن جم حيد لف..

والعلم جم شاب زف..

موش زفة البيت ولفة

الزفة راحت للنجف..

وعدنة ناس هواي عطشت . بس عكس عطش الحسين..

لان ماي اوجوه رادوا.. بس هذولة اليوم عاشوا ..

والي شالوا غيرة العباس ماتوا..

وعاودوا يوم الفراق..

وهيجوا بينة اشتياق..

يعني لو تسألني عالطف..

راح اكوللك عراق..

الشاعر مصطفى البياتي

***********************

***********************