فوق الوشوش
ريشة النفاق
عماله بتحط الرتوش
واللعبه خالت ع الغلابه
لما الديابه
قالت سلام
وبمكرها
أقنعت سرب الحمام
يرخى جناحه ويرتمى
وسط ناس.... ما بيرحموش
لما الديابه
قالت حرام
قتل الأنام
وبمكرها
أقنعت كل البشر
يقفل عينيه
ويسيب ايديه
للحبل اللى مربوط ف الوتد
ويقوم ينام
وسط غابه م الوحوش
قبل ما شمس النهار
تبدأ تدور ف المطارح
على صبح طارح بالأمل
كان اجتماع
كل اللى حاول ينتهك
حرمة الدم العزيز
كل اللى ناوى ينتقم
م المظلومين
داخل سجون قصر العزيز
والخطه كانت ينتشر
كل الهموش
خلف أسوار المغاره المُحكمه
لابسين جميع الأقنعه
مستنين سرب الظلام
يعلن قدومه م الفضا
يقطع لسان الفضفضه
والحكم يصدر ع الجميع
والتهمه كانت محكمه
منشط جاهز ع الورق
الحكم .......حكم المحكمه
ولا إنتوا ايه ما بتفهموش
يالا اصعدوا
قوموا إلبسوا
حبل المشانق واسعدوا
انتوا الغلابه المظلومين
انتوا الضحايا المطحونين
تحت الرحايا من سنين
واحنا الديابه والوحوش
احنا التتار
والخطه نقضى ع الفنار
نمنع وصول
شمس النهار
جوه النفوس
احنا الماجوس
وبالفلوس
نقدر ندوس
فوق كل حلم بيتولد
ولا انتوا ايه
لساكو عُمى..... ما بتشفوش
وآدى جميع الأقنعه
اقروا براحتكو اللى انكتب
يا سرب مخلوق ف الحياه
من أجل ما يكون الذنب
سقطت جميع الأقنعه
يا أمتعه
اقروا الوشوش
***********************
***********************
ليست هناك تعليقات:
إرسال تعليق