دمع القلم
م الألم
بيقول أهات
ف القلب نار
كل اللى فات
من عمرنا
سطرين مرار
والحب ضاع..
ف الانتظار
ومعاه أنين الذكريات
مريض في غرفة الإنتظار
محتاج طبيب
يمنع مرارة الانهيار
مستني لو يطلع نهار
مكتوب على جبين الزمن
إني أعيش بين دمعتين
دمعة خروجي للحياة
ودمعة رجوعي للإله
وفراق حبيب واقف حزين
والدمعه واقفه بتنتظر
جوه شبابيك العيون
مين اللي يوفي بعهدها
او مين يخون
لمّا البعيد أصبح قريب
والقريب ماهوش حبيب
والعذاب بيجيب عذاب
لمّا الاقي
الشعر شاب
والالم جوه الجفون
والدمعه واقفه
مابين نارين
تخرج تبوح
واللا هتداري الجروح
دم ودموع
ومفيش رجوع
عن اللى مكتوب
والقدر
مستني تصريح الدخول
شعر / زكريا الطوبشي
***********************
***********************
ليست هناك تعليقات:
إرسال تعليق