وبقيتي الشوك ...
مبدور ف الدم المتنتور
علي كل رصيف
واحساس الصدق اللي زرعته
كان طعمه مخيف
ما باقتش الارض بتحضني
ولا تعزف علي جرحي تمللي
من امتي الحضن اللي ظلمني ؟
مأوى الملهوف
وبقيتي الشوك
وكلامك سكاكين مغروزه
ف عيون النبت اللي بيكبر
محتاج ضليله
كان حلمي بيكبر جوايا
كان حلمك
ما تكوني معايا
ولانك شوك
ح اسجن احلامي الورديه
ف احضان الموت
.........................
همسات
سيد منير عطيه
***********************
***********************
ليست هناك تعليقات:
إرسال تعليق