الصبر مفتاح الفرج
دور على المفتاح
فى ناس تقول لك
نفذ ...
الصبر ولى وراح
وناس تقولك لا
الكرب بعده براح
يا بياعين الصبر
مش كل قلب ارتاح
فى قلب صبره نفذ
مليان قسى وجراح
وصبر اصلى عجب
بنبيعه للافراح
مش كل قلب اتوجع
صبره يداوى جراح
فى جرح دمه يسيل
نازف مع الاتراح
لا صبر ينفع معاه
ولا حتى ميت مفتاح
جرح الاحبه دواه
دعوه رضى وصلاح
يقبلها رب العباد
تشفى القلوب ترتاح
سبحانه جل علاه
المنعم الفتاح
أيمن أبو الدنيا
***********************
***********************
ليست هناك تعليقات:
إرسال تعليق