.......حوار فى ضوء القمر..........
من عام مضى زارنى بلبل
..........وكان معاه الشيخ عفيفى
وجه معاه الواد بشندى
..........وجاب معاه حبيبته فيفى
والقمر فى الليل منور
.............والجو كان ربيع وريفى
والكرم طبع لجدودى
..............واسألوا جارى وضيفى
أكل ماشى وشرب شاى
.....وفاكهة شتوى ومعاها صيفى
وابتدينا فى الحكاوى
...........عن اللى طلق واللى ناوى
واللى ماليين الأهاوى
................وإلمسرطن م التقاوى
واللى سجل أرضه لابنه
............وبعدها ياما شاف بلاوى
والمبرشم من سنين
...............والحمار إبن الحصاوى
إلا فجأة فات عماد
.............يشتم ويلعن فى الفساد
اللى صار يا شيخ عفيفى
..................زرع طايح فى البلاد
والجميع من جهله واقف
............فى الجدور يرمى السماد
والحصاد جوة المصالح
................سرقة من قوت الولاد
وكل مانقول هيخلص
...................نلتئيه فى بلدنا زاد
رد بلبل قال يا خالى
...............إنت عندى كبير وغالى
وإنت شايف كل حالى
...............من البطالة الأهر جالى
دخت بشهادتى لوظيفة
...............ملتئيتشى دفعت مالى
وظفونى أخدت حقى
.............م الرشاوى عشان عيالى
وأهى زيادة فى دخلى
............وفرفشه ونوع م التسالى
قلت يا ضيوفى تعبنه
..............ومن الفساد إحنا خربنه
دا الفساد خرم جيوبنه
.............والجميع عارفين عيوبنه
وعشنا فيه سنين طويلة
................لما دابوا الناس ودوبنه
واشتكينا وقلنا جاى
..................وياما عنه كتير كتبنه
وشربنا المر بإدينا
...........وتشهد عليناسنين عذابنه
قوم ياعم الحج صلى
.....................قبل ما تكتر زنوبنه
فجاة مر الصول امام
........فى ثانية واحدة عفيفى قام
وراح ماديله التحية
.................ورزع له رجله بالتمام
قاله بتقول إيه ياعفيفى
...................قال له نسيت الكلام
هوه فيه فى بلدنا فاسد
............دول شيوخ عاوزين مقام
وإن كان فى بلدنا فاسد
...............يبقى أنا يا ياشيخ إمام
قلت يا بلبل خد عفيفى
..والضيوف واتقى ربك ونااااااااام
وان إستمر دا حال بلدنا
...............يبقى علي مصر السلام
...............يبقى على مصر السلام
...............يبقى على مصر السلام
...............مع تحيات....................
...........محمد جمال فايد............
***********************
***********************
ليست هناك تعليقات:
إرسال تعليق