لما الفاجومى قال البتاع
قالوا البتاع قلة أدب
حتة بتاع صحى بتاع
خلى بابنا يتورب
أما دى نكتة للبتاع
طول عمره ميال للشغب
مع أى بتاع يمسك بتاع
يعض بتاعنا ويتنهب
وكانت قنبلة البتاع
اللى فجرها بأنتكه
وقالوا ساعتها أن البتاع
هز عروش المملكة
نظمها وفردها بتاع
قالت كفاية ممرمطة
ما إحناش فى بق بتاع
ياكلنا بحبة حليطة
ومصيره كان جوه بتاع
طفوا عليه النور
مع أنه كان ويا البتاع
منشنكح قوى ومسرور
وجوه زنازين البتاع
يسهر يغنى يقول
( ياللى فتحت البتاع
فتحك على مقفول
ازاى هتفتح بتاع
فى وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبى مخبول
أمر بفتح البتاع
لآنه كان مسطول )
طب واللى غرق بتاع
وهد حيطان الدور
وشال عنا البتاع
حتى فى طبق الفول
عن جد يبقى بتاع
ويزود المحصول
ولا هيطلع بتاع
زى اللى قالوا القول
يا عم يا بتاع البتاع
إلضمنا فى طرف النول
وإنشلنا من هم البتاع
خلى عنينا تطول
لو حتى حتة بتاع
تصحى حلمنا المقتول
جوه صدور البتاع
اللى على البتاع محمول
ما أنا ليا فى غيط البتاع
ومنها ما نيش منقول
لو حتى قطعتوا البتاع
وعلى راسى تدقوا طبول
ومنعتوا عنا البتاع
هصرخ وأتنى أقول
ياللى قفلت البتاع
عند ربنا راح أنول
ومهما تفتح بتاع
فتحك ما هو مقبول
خليت سفن البتاع
طريقها مش معدول
وحتى حلم البتاع
جوه البطون مغلول
وأهو مات نجم البتاع
ونهارنا لساه ما شرب
ولا عزف بقوس البتاع
أى غنوة تنفع طرب
ولا عدى على غيط البتاع
يحمى سيقانها من الهرب
ولا قامت حيطان البتاع
تغسل شبكها اللى انكرب
وصارت حدوتة البتاع
علامة تؤرخ للعرب
لما مال فينا البتاع
والباقى فينا أنضرب
***********************
***********************
ليست هناك تعليقات:
إرسال تعليق