متسألش
لما الحقيقة تتمرد
وتمشي ف طريق الزيف
وكل ربيع يبقى خريف
وكل جميل
يبقى قبيح وشكله مخيف
مشاعر طاهرة وبريئة
وآية طهر
تبقى عرضة للتحريف
متسألشي
علي زمنك زمن مبهم
ومحتاجة شفرة للتعريف
ولا عقلك
مادمت قابل الاجبار
وشايف كل شئ تخريف
وشايف انه ارض بوار
وقابلة كمان للتجريف٠
ولانفسك فزمن اليأس
لاينفع عوم
ولابتنفع المجاديف٠
ياسر رحيم
25/09/2010
الاسكندرية
***********************
***********************
ليست هناك تعليقات:
إرسال تعليق