لا أنا درويش ولا أعمى
ولا شاعر ولا فنان
بأمثل دور شخوص تانيه
أنا انسان
أنا الطفحان
مرار الظلم ف الدنيا
ومش قادر أكون جنبك
ومش قادر أكون كارهك
ومش قادر علي بعدك
ولا ثانيه
وسجني في وشوش الخلق
بوابته الأمل فيهم
سجناني دموع مرسومه
ف عينيهم
يعيشو يهتفو بجرحي
وجرحي هو اوجاعهم
وجرحي عمره ما وجعهم
تعدي أيام
وتجري سنين
ولسه الصرخه جوايا
وحلمي
اني أموت مستور
وجوا الضلمه
اللي مستنيه كون كامل
آلاقي النور
محمود احمد رمضان
***********************
***********************
ليست هناك تعليقات:
إرسال تعليق