فاكـره زمان ؟| للشاعر| سيد منيرعطيه
فاكـره زمان
كُنت بخاف من حُضنى يضمك
واحبس شوقي المتسرسب منى
وابعده عنك
لمّا الشوق بياخدنى واسافر
كُنت بعافر
وارمى الدمعه ف قلب البير
كُنت بغير
من احساسى الطارح خير
لمّا يداعبك
كنت بلاعبك
طفل وحاضن كل مشاعرك
فجأه اتغير كل ما فيكي
صوتك
همسك
حتى ملامحك
شجر الفرح العايش فيّا
جوه ضلوعى بقى يتطوّح
وامّا الوّح
بتدوسى ...
وتبيعى ف لياليا
........................
سيد منيرعطيه
عضو اتحاد كتاب مصر
***********************
***********************
ليست هناك تعليقات:
إرسال تعليق