الفار,,,,,,بقلم الشاعر حمدي عبد الفتاح

الفار

إن غاب القط الفار بينط
وبيعمل خط ينشال ينحط
دا ﻷنه أساسأ مخلوق منحط
طب كنت إتشطر ف وجود القط
والفار موجود فى كل مكان
وف كل زمان
ياما فيه موجود ف بنى اﻹنسان
أشكال ألوان لكن حقيقتهم تلاقيها فران
تستغرب ليه
ماساعات فيه بيه فجأه تﻻقيه بقى واد هلفوت
ولا لهشى كيان
سبحان الله صاحب الملكوت
خبى أشياء جوه أشياء دى حكم وعظات
علشان الناس تاخدها دروس
واللى مخدوع ف الشكل وبس
يصحى ويفوق
دا مافيش مخلوق يعرف مخلوق
وان عاش وياه
أما المخاليق يعرفها الله
حتى الإنسان نفسه بيتوه
يجهل أشياء موجوده جواه
وساعات القوه تﻻقيهاكتير
فى أضعف ناس
والضعف يكون فى أقوى الناس
وساعات فيه حد فى شكله بسيط
أغلى.من الماس
وملوك تنداس
إحنا ف محيط ياما شال ياما حط
عايزين الفاريسبت مايخاف ف وجود القط !!!
                                               
                 شعر /حمدى عبد الفتاح

***********************

***********************