صباحكم فلسطيني اصيل .... محمود شبيب

صباحكم فلسطيني اصيل
===
شو ما بتعمل ي ابن صهيون الدخيل
ومهما احتلالك للارض يبقى طويل
مهما بتتجبر رح تظلك عليل
وامنك على طول الوقت هش وهزيل
عن هالوطن ما بنقبلش نحنا بديل
ولا بد ما تشرق لنا شمس الاصيل
نحنا شعب جبار حر بكل جيل
خلقنا اباة وما بنعرف مستحيل
ما في حدا بيناتنا خانع ذليل
وما بنقبل الخاين معانا والعميل
مهما اعتقلتو دون حجه او دليل
ومهما هدمتو بيوت بنهار وبليل
ومهما قتلتو كثير او حتى قليل
ما بنركع ونبكي وما بنعرف عويل
القدس النا عاصمه ما لها مثيل
والناصره وتل الربيع وكل ميل
وحيفا ويافا والمثلث والجليل
واللد والرمله وغزه والخليل
وام الفحم يا مغتصب جده ودليل
مع بيت لحم ونابلس سيف وصليل
وجنين ورام الله البطوله ال ما تميل
وباقي المداين والقرى سلكت سبيل
درب الشهاده مقدس وطاهر نبيل
وكلنا فدا للقدس والاقصى الجليل
ولهالسبب يا معتدي ومن هالقبيل
لا تنتظر منا سوى الرد الثقيل
ما بتقتلو فينا الاراده والامل
وما بتمنعو خيول الاصيله من الصهيل
==== محمود شبيب ====

***********************

***********************