شوفت صاحبنا | للشاعر\ وليد عويس | عزف الأقلام

شوفت صاحبنا .........الله يسهلهُ
صاحب العمارات....... الله يسهله
ارض وعقارات........... الله يسهلهُ
صاحب الاطيان.......... الله يسهله
طب شوفت قريبنا....... الله يسهله
دي حكايته تعيبنا ........الله يسهله
دا كان وكان ...............الله يسهله
طب فاكره زمان......... الله يسهله

مالي الدنيا كلام في كلام
ناسي الدين وناسي العلام
فلان ودا وفلان جاب
وفلان فلح وفلان خاب
عود لربك يانمام
وأدعي تصفي وتبقي تمام
وأرمي الحقد من جواك
أعمل حجاب وخليه وياك
وماتحكي تاني لناس حكويك
الزم بيتك الله يخليك
وبطل كلام بقي علينا
عينك علطول رشقه فينا
رب الناس أعلم بيهم
هو الكريم وهو الرزاق
وهو وحده بيعطينا
واذكر الناس بالخير
وأدعي لكل مريض وفقير
والغني قول ربي يذيده
ويحبب عبيده في عبيده
وتوب وأرجع للمولاك
وأرمي الحقد من جواك
وأحفظ لسانك اللي ازاك
حب الناس هتكون حباك
وأرضي فيها بنصيبك
دي قسمه حق من الخلاق

***********************

***********************