يمه بعدج
يمه بعدج
حته شمس الله بجت
والنهار بلون دم
ويمه بعدج المن اشكي
المن ابجي
من يشيل الكلب هم
يمه جرت النفس دونج
تنحسب بالريه سم
ويمه كلشي ما ضل بمكانه
عبست وجه الشوارع
اتشنجت كل المدينه
وشيبت روس المزارع
وكلشي بالدنيه وكف
يمه بعدج
حته ثكل الكون خف
يمه ملج الموت يبجي
من اجه الروحج خطف
ومن مشينه بالجنازه
ادكول دنشيع جبل
وكلهه تسأل
العرف والما عرف
منهي هاي البلجنازه
منهي هاي الشيبت
روس السعف
وجانه صوت
يرد علينه
اهناك من اقصى المدينه
هاي ما فكت حزنهه
البيدهه الكاع النجف
زفت ابنهه
هي هاي امي العظيمه
الحلف بيهه السلف
يمه بعدج
كلشي بالدنيه اختلف
يمه بعدج
خلصت كل الحجي
ويمه بعدج
المن امرخص البجي
يمه شوفي ظهر ابويه
عالقهر ضل منتجي
يا دللول الجرح
شيضمه يمه
اتكشف بليل الشماته
وين اضمه
يمه بعدج
ما بقت بالدنيه رحمه
والعيشه بدونج
حيل زحمه
واليعيش بدون امه
يمه ما يتسمه زلمه
ذوالفقار عبد الحسين
***********************
***********************
ليست هناك تعليقات:
إرسال تعليق