أمــــى ... يــــا قــلب يــــا خــضر
يانــورعــيونى ... وضـى أيــــامى
يا مصـبحانى والصــــباح نــــــادى
يــــــا ورد زهــــر جــــوهَّ بسـتانى
يــاكـاس حــنانى وسلسبـيل روحى
بلسم جروحى وحــــضن بــيسمى
لــفى إيــديكى واحــضنى وضـمى
لــمى شعـاع الــحب مـن عــــينى
وارويــــنى مـنك وارتــوى مـنى
ســــمى عــلىَّ م الـــهوا ســــمى
يــا مونســـانى والهــــنا مرشـوش
قــلبى وروحــى وعـمرى حـسوكى
ووشوش دعــاكى ضى مشوارى
ليلى ونـــهارى بــاشـربك مواويل
وانـتِ دلــيل الـــشوق وإلــــهامى
بــين إلأســـامى ندهتـــك إحـساس
وزرعـتى فـــىَّ كل شـيئ يـنباس
وملـــيتى كــاس العمر بالمـــثاليه
هـارفـع إيـدىَّ للـــسما وادعى لك
دعوة ولــيد عايــز يــرد جمــيلك
ياللى فى ليلى مانـــطفى قنديلك
ولا شمس روحك ودعت أيامى
***********************
***********************
ليست هناك تعليقات:
إرسال تعليق