من قلب بطل واقف على مدفع
او ماسك فى الايد رشاش
وجهة دانته وكل قذايفه مطرح مايكونوا الاوباش
راح واستشهد لاجل أماننا ولاجل وجودنا
بقرأ ليكم من الكلمات مايطفي النار القايدة فى جوفنا
وصية ابن واقف على الجبهة
يا أهلى وناسي
وانا واقع على الارض ودمي مغطي هدومي
ورصاص الغدر مقطع لحمي وعضم اكتافي
سﻻمي إليكم يا أهل بلادي
أنا روحت وسايب أوﻻدي
وامي بتبكي واخواتي
وﻻ عارف هيكون ايه مصيرهم
لكن كله يهون لبلادي
انا يا أهلي ربي كرمني بأجمل حاجة
مكافأة عظيمة ولقبي شهيد
لكن لاجل شوقي وتعبي ليكوا وصية
شعب الوطن الحر الغالي
ابنوا البلد اللي سهرنالها سنين وسنين
واللي عشانها ادام عيني استشهد منا أعز اتنين
واللي فداها انا روحت كمان
شبابنا الواعي
عمر خطرهم ماكان فى حدود
وﻻ كان الجيش المقصود
كل الخطة
ان الحكم يكون فى ظﻻم وﻻ نتقدم خطوة وحيدة
ناشرين صورتي فى ألف جديدة
ومكفن جسدي الإعلام
وجنازتي بتضرب نيران
لكن لسه مش فرحان
أصل شبابنا ماقمش بدوره
جزء مازالوا مش فاهمين
حناجرهم مليانة هتافات
وجزء مازالوا منغرزين
فى الموضة وحبة تفاهات
عارفين امتى ياشعب انا هفرح
لما عقول الورد تفتح
ارجعوا خلوا العلم الغاية زي ماكان
وبمجهودكم ابنوا الدولة
خلوا الراية ترفرف تاني زي زمان
سيبوا نص الكوباية الفاضي بصوا شوية فى المليان
خلوا هتاف الزمن القادم ..... تحيا مصر
كل شهيد ميت على الجبهة كان بيقول..... تحيا مصر
وقت عبورنا فى حرب أكتوبر كنا بنهتف... تحيا مصر
وقت ما أمم عبدالناصر مرمى قناتنا كنا بنهتف
تحيا مصر
بينا نعلي الصوت ونردد ... تحيا مصر
تحيا مصر .... تحيا مصر. .... تحيا مصر
***********************
***********************
ليست هناك تعليقات:
إرسال تعليق