ماتقلبش المواجع
الحلم الحلو راجع
ياما ناديتك ياصاحبي
واقول دا ماكنش سامع
اعذار ولمستهالك
ولا قلتش مره مالك
ولا جتش ف يوم سألتك
انا مش محتاج سؤالك
ما انا عارفك زى نفسك
من غير ماتقول باحسك
ماتقوللي ايه اللي حابسك
وانت موافق وخاضع
ماتقلبش المواجع
شياطين الانس عرفوا
ف الآخر يبعدونا
كان السم ف كلامهم
ويقولوا بينصحونا
واحنا اللي سمحنا ليهم
وضعنا ثقتنا فيهم
وف لحظة ما افترقنا
شفت الفرحه ف عينيهم
صدقنا بحسن نية
طب ليه بتلوم عليا
دا احنا الاتنين ضحيه
للحقد وللمطامع
ماتقلبش الواجع
تعالي انا وانت ننسي
الماضي واللي كان
ونصارح بعض اكتر
وتعود لمة زمان
والعشرة الغاليه ترجع
البعد صحيح بيوجع
مش سهل ياصاحبي أنده
تتجاهل او ماتسمع
ما خلاص اتشفوا فينا
جرحونا وبايدينا
واحنا لو كان علينا
ما فيناش واحد مخادع
انا نفسي اسمعها منك
وتقول من تانى راجع
ونقلب المواجع ...
***********************
***********************
ليست هناك تعليقات:
إرسال تعليق