شق النهار ليلنا الحزين
واتحركت
كل الأماني ف قلبنا
والفرحه طاله م السما
متوسمه
تسكن ليلاتي حضننا
متبسمه
عين الشهيد اللي اندفن
وبإيده حاضن رملنا
متعشمه
كل الأرامل ننتصر
ويعود لنا ...حق ابننا
شق النهار صمت الكلام
والبندقيه ..ع الكتاف
اتكلمت........... .........
همست بصوتها في ودننا
بتقولنا
آن الاوان
طعم الجفاف
يرحل بعيد عن حلقنا
آن الأوان
صوت البارود
يرعب هموش محتلنا
يا صبرنا
آن الأوان
الدنيا يوم تضحك لنا
ضي النهار شقشق وثار
قال للجنود
عدوا الحدود والأكمنه
ليه المرار والإنكسار
واللحظه لحظة انتصار
يا خير جند الأزمنه
آن الأوان
نروي الحبيبه بدمنا
ضي النهار شقشق وثار
قال للجنود
صدر القرار
سينا الليله دي تعود لنا
صدر القرار يشهد لنا
الرمل الاصفر والعلم
واللي انظلم من أهلنا
صدر القرار نشعلها نار
ومعانا .....قُدرة ربنا
**********************
رضا أبو الغيط
***********************
***********************
ليست هناك تعليقات:
إرسال تعليق