فى عيدك يا أمى بنادى
الحب يزهزه فى بلادى
يحضنى مع كل ولادى
بين حضنك نرتاح وننام
يا وصية طه والرحمن
.....
فى عيدك ياغالية علينا
يا أغلى من ضى عينينا
هنغنى ونهدكى بإيدينا
الورد بكل الالوان
ياوصية طه والرحمن
....
هنغنى فى عيدك ونشارك
ونبوس الاقدام ونبارك
دا الفرحة كلها علشانك
بقلوبنا وف كل مكان
ياوصية طه والرحمن
....
كل اللحظات وياكى عيد
من غيرك بنضيع والعيد
ولا حد بيشعر بجديد
فى الأرض وف اى زمان
ياوصية طه والرحمن
..
أيا قلب مليان حنية
ولا يعرف غدر وأسية
الدنيا ماتكفيكى هدية
دا الجنة تحت الاقدام
ياوصية طه والرحمن
......
بنعاهدك ع الخير والطاعة
ولا نعصى لحظة ولا ساعة
نحميكى وبكل شجاعة
ونكون لك جند وفرسان
ياوصية طه والرحمن
...
***********************
***********************
ليست هناك تعليقات:
إرسال تعليق