ست الكل** يا ست الكل
يااحلي شجره علينا تضل
غالية علينا وضي عنينا
يا ما طرحتي ورد وفل
يا ست الكل
******************
ساعة ما وصل عتبه بيتنا
ألقى الشوق والحب تالتنا
اسمع صوتك يدعى يا امي
يحميك يا بني يا نور فرحتنا
وقوام احضن ست الكل
*********************
ونا على أول درجة سلم
ألمح طيفك أجرى أسلم
وف احضانك قلبى أتعلم
حب الجار أول سكتنا
أغلى نصيحة يا ست الكل
*********************
عودتينا حب اللمه
حبيبتينا الخال والعمه
شبعتينا حنانك يامه
ياما مسحتي كتير دمعتنا
وكنت دوايا يا ست الكل
**********************
لما خيوط الفجر تنور
أجرى عليكي ياما ادور
ارسم حلم الماضي واصور
واعزف لحنك ياغنوتنا
********************
وف يوم عيدك جي اهني
بالاشواق والفرحة حاغني
قولي يا امي قولي اتمني
يبقى الستر طريق دنيتنا
**********************
ساعة ما وصل عتبه بيتنا
القي الشوق والحب تالتنا
اسمع صوتك يدعى يا امي
يحميك يا بني يا نور فرحتنا
************************
أحمد رشاد آغا
من ديوان السويس في عيوني
1996 السويس
***********************
***********************
ليست هناك تعليقات:
إرسال تعليق