مين اللي باع النبض ف الشريان؟
مين اللي سلم نفسه للتوهه؟
مين اللي أول م النهار بيبان
بيخُش سكة ضلمه معتوهه؟
مين اللي لمّا بنكتب الأشعار
بيدوسوا فوقها بدون ما يقروها ؟
يا قلبي سيبك م اللي بدأ الصد
واخرج من الطوق اللي فيه مربوط
قلبه اللي عاشق من زمان البُعد
وانت اللي دايب ويّا حبل الصوت
بتنادي دايما بس من غير رد
وكأن صوتك تاه ف أرض الموت
سيد منيرعطيه
عضو اتحاد كتاب مصر
من ديوان (سرسوب نهار)
***********************
***********************
ليست هناك تعليقات:
إرسال تعليق