إبني ضنايا حسام استقبل
بنت عيونها نقول شمسين
وش البدر جبينها بيعمل
نور بيكفّي البني أدمين
دخلت قلبي بسرعه بجد
زي ما قالوا أعز الولد
ياللي جمالك مالهوش حد
محروسه من العين يا ( لارين )
***
ف عيونها اللؤلؤ حدوته
وجمالها جمال الأساطير
بنوته وزي البسكوته
وباشيلها ف أحضاني واطير
ف جمالها الحلوين يتعدّوا
فعلا فرحه وحضنت جدّوا
نفسي سنين العمر يمدّوا
تبقى عروسه وملو العين
محروسه من العين يا ( لارين )
***
فرحة عين امها وأبوها
فرحة قلب وعين جدّتها
يسلملي ولادي اللي جابوها
جابوا سعاده ليالي نسيتها
ربي يصونهالي يخلّيها
وبعين الرحمات يحميها
د انا كل ما اضمّها ب الاقيها
تضحكلي ترجّعني سنين
محروسه من العين يا ( لارين )
سيد منير عطيه
***********************
***********************
ليست هناك تعليقات:
إرسال تعليق