حكاية شعب / للشاعر - محمد جمال فايد / عزف الأقلام

آه يا محمدين لوشفت

...............مصر.الكنانةمن سنين 

كنت هتتمنى ياصاحبى تموت 

................ياإما يموت المجرمين

كانوا يا محمدين فاكرنا

........... ....أغبيا وعبط ومغفلين 

لأنهم بياكلوا فى لحمنا 

...........واحنا بناكل.دين فى دين

وآه يا محمدين وألف

.....................آه وآه.يا محمدين 

لو قلنا فين حقنا 

..................كانت .كرابيك العصاة 

تنزل.وتحرق ضهرنا ولا فيه

.....حكومة ولا فيه رئيس يشعربنا 

إلا الكلاب فى الليل 

................يامحمدين بتنبح جنبنا 

وصوتها مزعج وكل نباحها

.........................إحنا هناإحنا هنا 

................................................

وآه يامحمدي لو قلت ليه 

.......تنزل عليك كل البلاوى متلتلة 

لحد ما تنسى اسمك وإسم 

....................أبوك وامك يبقى إيه 

وأخرتها.كلمة مشفرة 

.........بعد العذاب والنكد والمسخرة

أسفين يا بيه سفين يا بيه 

.............أسفين يابيه اسفين يابيه

...............................................

وآه يامحمدين أه يامحمدين

............لو شفت فيلم الخصخضة 

كنت هتبكى ع الشباب 

.....إللى فضوه للقهاوى و البصبصة 

ورموه فى حوض المسخرة 

....وعليه عيون تجارالدمارمتربصة 

وحيتان كتيرة ببطون كبيرة 

...................يعنى ببساطة مكرشة

ومصوا دمانا واستمتعوا

....يامحمدين زى الكلاب بالمصمصة 

................................................

وآه يامحمدين لو عرفت مصر 

......غرق منها فى المراكب كام غريق

ولا كام واحد ماتوا مع 

...........ابن عمك الغلبان فى الحريق

ولا كام واحد سال دمه 

.......وانتهى فى الحوادث ع الطريق

ولا كام واحد يامحمدين

.....اتحبس واتعدم رغم إنه كان برئ 

....................... ...رغم إنه كان برئ

.......................... رغم إنه كان برئ 

............................................... 

وراح زمانى وجه زمانك 

........................يا محمدين دوغرى 

وشفتك يانور عينى.فى الميدان 

......ووراك.جمال وخيول كتير تجرى 

وعربية غريبة مصفحة داست

........... على قلبى داست على عمرى

داست على أخوك حمادة إللى 

.فارقنى وراح شهيديا محمدين بدرى 

ونزلت عليناالمصايب

...............من حيث لاندرك ولا ندرى 

...............من حيث لا ندرك ولاندرى 

...............................................

وقامت ثورة و ثورة يامحمدين

.....وعزف الشباب فى الميدان ألحان 

ورحل رئيس واتعزل 

......والتانى دخل طره وعليه سجان 

وتالت يا محمدين يابنى

........بيبنى أمجادنا.فوق فوهة بركان

نفسه يحل مشاكل سنين وسنين

...ويرجع حقوق.. كل فقير غلبااااااان

وخايف على مصر الكنانة 

.......تعيش سنين فى الفقر .والتوهان 

..............................................

فيارب إنصر رئيسنا واحفظ بلدنا

............من الإرهاب والحقد والعدوان 

وامنح شبابها كل السعادة 

..............وما يشوفوا .فى يوم أحزان 

.....................مع تحيات ..............

.................محمد جمال فايد ..........

***********************

***********************