قبل ماكنتي تفوتيني
كنتي وصي عليا حد
حد ينصح .......؟
حد يمسح لي دموعي
لو تزور في الليله خد
حد يرسم نص فرحه
لو طريقي يبقي سد
ماتقوليش كبرت يامه
وبعد بكره راح أبقي جد
ابن بنتك راح يشرف
جاي وجايب احلي ورد
ينشر الفرحه ف ربوعك
تجني بسمة شوق وود
أطعمه من حل ذادك
علمه يشقي بجد
خلي نبراسه الاماني
يرمي حبل الشوق يمد
بس انا باتمني ياامه
حمل بنتي يبقي بنت
فيها صورتك فيها طيبتك
فيها كل الامنيات
رغم اني حقيقه يا امه
انتي غير كل الحاجات
عطر سيرتك فاح اريجه
عطر فاق الامسيات
جه بنوره حلي عمري
حلي بكره
حلي كل الذكريات
كلمات /صبحي بشاي
***********************
***********************
ليست هناك تعليقات:
إرسال تعليق