قلت لك على فين نروح
بسمتك ردت حبيبتى
بسمه ردت فى روح
قلت اى مكان معاك
يبقى أحلى مكان نروح
قولى انت يا حبيبه
قلت ماشى نروح .... زيزينيا
وف زيزينيا كنت اجمل
من زيزينيا
قدموا قائمة جميله
لاجل نختار الطعام
قلت اكل أى حاجه
وابتسمتى يا سلام
بسمتك دى أحلى حاجه
بسمتك ضى النهار
جابوا اكل كتير ولكن
كان كلامك أحلى حاجه
كلمه جابت ألف كلمه
ضحكه منك زى غنوه
قلبى كان فرحان بقلبك
وفى عيونك احلى غنوه
الشياكه والجمال
رقه اجمل م الخيال
الزمن مر قوام
للاسف عدى بسرعه
قبل ما انخلص كلام
ياسلام
لو ساعات الوقت تبقى
كنا عشنا سنين غرام
دايما اللحظه الجميله
عمرها يمر. .... قواام
واعتذرت وقلت اسفه
لازم امشى خدنا الكلام
قلت. لك يا خساره
لسه قلبى فيه لقلبك هيام
قلت جايز تجمعنا صدفه
صدفه يجمعنا الغرام
هى ذكرى جميله حلوه
سرقنا فيها من الزمن
فرحة القلب إللى كان
ياااه على الدنيا الغريبه
فرحها يمضى قوام
يا زيزينيا يا عزيزه
عايز اوصلك سلام
مع رساله للحبيبه
لو مرت هنا بالمكان
بلغيها منى حبى
حب طاهر مش كلام
قولى لجمال عينيها
والهوى الساكن غرام
بلغيها منى المحبه
والموده والسلام
عرفيها ازاى
هجر عينى المنام
بعد ما غابت وراحت
من غير كلمه أو سلام
غابت اخبار الجميله
ياريت حبها عمره ما كان
سابت قلبى ف حيره
بعد نظره وابتسام
غابت الفرحه معاها
ياخساره ع الغرام
غابت الذكرى الجميله
بعد ما عشنا ف هيام
يا خساره يا حبيبه
كنت حلم حلمت به
واما فقت التقيتك
مش معايا
شفت طيفك ف المنام
فضلت انادى عليكى لكن
كنت سايقه ف الدلال
اتارى حبك يا حبيبتى
كان خيال ..
ايمن أبو الدنيا
24/8/2018
***********************
***********************
ليست هناك تعليقات:
إرسال تعليق