جاني خاطر...بقلم الشاعر/عزالدين الحميري

جاني خاطر:
جاني خاطر وردتك تجي تشوف معانيه
طيفك عدا هالحظة ومديت لك الإيد
وأسرع قلمي يكتب الحال ولايخفيه
الحرف ورا حرف وأبيات تعلى وتزيد
يانهر شرياني وكلامي من مايك ترويه
كل ماتقول كافي أطلب وهل من مزيد
يازين جوي وسحايب غرامك وصافيه
يوصل حنينه ويلازم شرياني والوريد
سراج الليل من يهل نورك ترى يطفيه
الوجه شمس الضحى والعين لؤلؤ فريد
يسألني قلبي ياترى يغليك مثل ما تغليه
يرد هو الجواب ويمثل علي إنه عنيد
شبيه الحال مع هالقلب نايم رحل غواليه
يعاتب حاله من هالنومة ويلحقهم طريد
غلاك عندي كنه  غايب ولانسوا طواريه
في كل غرفة وزاوية بالبيت لصوتك تغريد
شريان يتدفق من الحشا تطلب بودايه
لأجل يتخضر بستان قلبه وغلا له مديد
جمر الغلا انت اللي يشبه والقلب كاويه
ياشين البعد كنه يفر حالي فر الحديد
آخر كلامي اسمعه وداخلك لازم يحتويه
تراني حولك وملازمك وقريب ولابعيد
يسري داخلي وداخلك ولانقدر خطاويه
مثل سري الدم بالقلب والشريان وكل تنهيد
                 @عزالدين الحميري@

***********************

***********************