كان روح نبي
إتوضي إيمانه بدولته
علي سبحته تسهر عينيه
تشوف صلاتها في خطوته
وجهه القمر كان بدر
يوم ما الدنيا ضلمت
رفرف بروحه علي الوطن
وحلف لترجع بسمته
صحي سلاحة اللي بكي
علي دم أخوه
وحقه بان لما حكي
إزاي خانوه
وخانوا حتي الوطن
بيدمروه
أبابيل خراب
كارهه الصلاة علي خطوته
أسد زئيره علي الحدود
وعينيه ممدوده علي ترابها
الليل معاه يتعدم
لو خطوا أعتابها
يده كصخرة موت
لريخ غيام ما يفوت
ولو كفنه ورقة توت
ما يهدوا أحلامها
طل الغباء بالغدر
في ليل حالك غدار
طفوا ربيع البدر
وقتلوا ضي نهار
شهيد من الابطال
ما رضي يشوفها بوار
الدمعة فرت م الجبل
حضنت حيطان الدار
الأم صحيت زغرتت
والقلب قايد نار
عريسو طاير في السما
الي جنة الأبرار
يا دمعتي كفي
دا الحمل لسه كبير
خليكي تبقي رصاصة
في كل قلب ضرير
لدينه مش فاهم
ولا علي البلد دي يغير
عقله بسراب ناقم
ولا في الكتاب تبرير
يارب عليك العوض
علي حالنا تصبرنا
وأرفع عننا مقتك
وعلي بعد الشر قدرنا
وإجعلنا طوبة بنا
ما تهد بنيانك
نسمع آذانك
وعلي كتابك نقيم الدين
***********************
***********************
ليست هناك تعليقات:
إرسال تعليق