متلوميش على فى بعدك
دا كان قدر ولينا مكتوب
ولاحتى تقسى وتظلمينى
وتحملينى لوحدى ذنوب
بعادى عنك مهوش بايدى
زى دم بيشلى من وريدى
والنصيب لبسنى التوب
انا كنت عارف انك ذنبى
ولا كنت ناوى ابعد عنك
ولا كانت نيتى ف يوم اتوب
وحتى لوكان عشقنا ممنوع
احنا كنا لقلبنا ماشيين طوع
ولا كنت هغدر ذى نحله
اشرب من عسلك وامشى
دا كان حضنك بيتى وعشى
بس دايما سعادة قلوبنا
بتيجى يوم والف تمشى
انا اللى عشت ليكى زمار
ولاخبيت دقنى ولا وشى
غصب عننا الحياة بتمشى
لو كنتى فاكره نسيتك يوم
تبقى ماعرفتينى ولا يوم
انا اللى عشت بضحك الناس
اهو لفيت وجالى اليوم
ابات سهران بطول الليل
ولا بيزورنى طيف النوم
ومش هكدب واقول فرحان
ولا حتى هقول عندى هموم
لكن كنا عارفين قبل اللقا
انه الحياه دايما يوم ويوم
الشاعر/عزالدين جبريل
***********************
***********************
ليست هناك تعليقات:
إرسال تعليق