مراسم لحفلة ضياع الأدب
ووسط الوجوه تشوف العجب
بمليون حكاية وقصة ورواية
وهمسة وضحكةآخرها الشغب
وناس لابسه تاج وجواها صاج
وكله مفكر وجوده السبب
وهو اللي راسم وهواللي عازم
وهو اللي لازم يخطي العتب
لانه الكبير وواحد شهير
وإسمه ملون بلون الدهب
وكل اللي حاضر
بيجبر في خاطر
عشان بس فاكر
ده إسمه إتكتب
يضيع النهار وحتى الشعار
في قلب الصغار تحسه إتشطب
وهي المراسم وهو الصخب
ونفس الوشوش عليها التعب
وبين الرتوش ورسم الوشم
تضيع المعاني في وسط التهاني
وفوق الصواني وجوه الخطب
يإسم الفنون بدمع العيون
وطعم الليمون وشكل الغضب
وقدم ياسيدي سيادة السفير
وهلل وطبل وقول القدير
وكرم كمان سعادة الآمير
آمير القوافي آمير الطرب
وإمسك في إيدي
وقطع قصيدي
يا نار يلا إيدي
في كل الكتب
ثقافة بلادي دي صابها العطب
مراسم بيظهر عليها العفن
وريحة النفاق كانه الكفن
وفوق الكراسي تشوف الشجن
وكسر الخواطر في عود القصب
مراسم بتنحت في جدر الآلم
بتسمع في صوتها نشاز النغم
وتلمح في جوفها آهات الندم
تزيد الفوارق تشد العصب
مراسم بتحبط في كل العزم
وتقتل مشاعر بإسم الكرم
تقدم مهازل وترمي الرطب
مراسم لحفلة ضياع الأدب
***********************
***********************
ليست هناك تعليقات:
إرسال تعليق