درب الشوك
*******
عطشان چلمة صدگ
شربّني ماي الوفهَ
شلّي بسرابك بعد
اركض وچدمي حِفهَ
حسبالي توفي الوعد
ليلك بليلي لفهَ
إدواي صاير ولك
ياوكت گلبي شفه!!!!
ولو كلمن ورادتهَ
لو هو طبع العفهَ
مسكين يبجي بقهر
راح العمر وانتفهَ
من روحي آنهَ الضوهَ
ذاب الشمع و انطفهَ
ياجفني بسّك توّن
من ونّتي ماغفهَ
امشي بطريچ العشگ
احضن الشوگ بگفهَ
ذاب اللسان وگضهَ
الچمر بيدي هفهَ
ياسمجة ال ماتنهوي
بسّ آنه مدمن سفهَ
ياغيمتي تنثّ المطر
أسكر بخمرة جفهَ
بردان شوگي إلك
ياوگت حضني دفهَ!!!
الشاعر المهندس سعيد ضعين ازبين
العراق -بغداد-28-9-2018
***********************
***********************
ليست هناك تعليقات:
إرسال تعليق