يللى سقيتينى ملامحك
كنت سيفك كنت رمحك
كنت شهدك كنت ملحك
كنت غنوة فى إنتصارك
كنت بسمة فى عز جرحك
كنت صوت الحق دايماً
وكنت أزعل يوم ما أعاتبك
فاكرة لما كنت أبعد
وأرجع آدارَى فى حضنك
كنت ليكى كل حاجة
وكنت أقول على نفسى إبنك
زى أبويا ما يوم رسملى
فوق قماشة لقيتها بيضاء
نقطة حمرا ونقطة سودا
يومها ببكى ع القماشة
قاللى شيلها جوه قلبك
قلت يابا .....
مابقالها عازة
قالى إحميها بدمك
القماشة م الليلادى بقت علم
وإنت فارسها الهمام
إوعى ياض يخدوها منك
إوعى ياض لأبن الحرام
ألقاه فى ليله بيحصد قمحك
إوعى عنها فى يوم تنام
إوعى تنسى تسن رمحك
اللئيم عايش معانا
متفكروش من برة جاى
اللئيم صاحبى وصاحبك
اللئيم منى ومنك
اللئيم فى كل قاعدة هتلاقيه
اللئيم عاقل قوى
إوعى تفتكره سفبه
اللئيم عنا بيعرف كل حاجة
وإحنا ما بنعرف يا ولدى شئ عليه
حط أرضك جوه عينك
صونها زى ما صونت دينك
الوطن ياض لو نسينا
إحنا بندور عليه
الوطن لو يوم قسينا
ننسى ولا نقسى عليه
***********************
***********************
ليست هناك تعليقات:
إرسال تعليق