القمر اللى وعدنى أشوفه
معرفشى ليه اتأخر وغاب
مكسوف ولا إيه ظروفه
أرجوك أنا قلبى داب
القمر اللى وعدنى ونسينى
وكل الدنيا باصه عليا
آه يا حبيبى لو تجيينى
كنت ادوس ع الدنيا ديا
القمر اللى وعدنى ومجاش
وعامل في قلبى مهازل
ياقلبى بقول لك بلاش
هاتشمت فينا العوازل
قمرى اللى واعدنى نساي
والليل قاتلنى سكونه
اه لو أبص ألتقيه جاى
كنت أدخل معاه ف كونه
أمتى ح تطلع ياقمرى
وتنور الدنيا الضلام
وأحس من بعد صبرى
اطمن على قلبى وانام
سعيد عباس الضو
***********************
***********************
تحيه من القلب لصاحب القلم النابض الاستاذ سعيد الضو
ردحذفكلمات تفيض رقة وعذوبه
كل التقدير والاحترام