طب ليه يا روحي تبقي حد
بيني وبينه ألف سد
وشوقي لقربه يتهد هد
هدي الغيامة علي النهار
ولمي عن وجعي الحصار
كنتي قلب وأحلي دار
لكن هواها مطلعش جد
طب ليه يا روحي تبقي حد
يغرق في قلبي اليقين
وألقي سراب الموج مهين
وأنت أرض المجروحين
اللي عنيهم علي قبلتك
والصبر شوقه لجنتك
أقاموا الصلاة ورا حكمتك
وكرروها سنه وفرض
فليه يا روحي تبقي حد
يكمننا ما نندهك
ودمانا تجري وتلحقك
يا نبض روحي يا ملك
يا شمس بتشرق حروف
يغزلها ليلي بألف خوف
يا ما تلحقيني من الغرق
أو أبقي زي اللي سرق
وأتمني يوم تشوفيني جد
أو أبقي زيك أي حد
يرمي بياضه لأي حد
وزيف ضميره ما لوهش حد
ما هو يبقي جد
مش أي حد
يا أبقي صرخة تتمد مد
بسلسلوها ويشدو شد
فأتمني أشوفك مش زي حد
وأتمني أقابلك جدين وجد
ولا تبقي دمعة بتعد عد
في اوجاع بشر
ما شايفها حد
مكتوب علي جواز السفر
ما أخطي حد
ولا عيون تعشق سهر
تقبل تعدي أي حد
يلمس تراب ضي القمر
الا بتوب الود
بنهر مردوم علي الجفا
شراينه ما تنبض حقد
ولا أي حد
يركب سفينه ما شرعها جد
***********************
***********************
ليست هناك تعليقات:
إرسال تعليق