كلمه فيها أحلى معنى
نبضها ساكن بقلبك
قلبك المعجون بطيبه
طيبه دى مصر الحبيبه
حبها عايش بنبضك
وانت نبضك نبض غالى
دقته عاشق لوطنك
يا حبيب الكل بوح
نبض روحك والجروح
بكره يا غالى هتحلى
م الألم تشفى الجروح
قول ياشاعر .. زيد كمان
لحن حبك للصبيه ...
مهما شفنا من قساها
حبها ف القلب غيه
هى نبض الروح وهى
بسمه غايبه عن عنيه
قول يا شاعر ..
اعزف اللحن الحزين
يمكن الغايب يعود
يمكن القاسى يلين
كلمتك ف الحزن فرح
كلمه تشفى كل جرح
الأمل ما بين سطورك
جاى شايل أحلى فرح
أيمن أبو الدنيا
مهداة إلى أستاذ الكلمه
الشاعر الكبير الأستاذ ابراهيم رضوان
***********************
***********************
ليست هناك تعليقات:
إرسال تعليق