كتب أيمن يونس
وزارة التموين تناشد المواطنين اصحاب البطاقات التموينية التى بها اخطاء ضرورة تصحيح هذه الاخطاء وتحديث البيانات من خلال موقع إدارة دعم مصر
وإليكم خطوات التصحيح
اذاي تعرف ان بطاقتي فيها خطأ و محتاجه تحديث و تصحيح بيانات.
"اولا" و انت بتصرف الخبز بص علي الايصال بتاع الصرف .. لو البطاقه محتاجه تصحيح و تحديث بيانات هتطلعلك رساله في ايصال الصرف بتقول " بيانات البطاقه بها اخطاء " ( مرفق صورة ) و لو مطلعتش رساله يبقي انت كدة بياناتك تمام و مش محتاج تعمل حاجه .
"ثانيا " لو انت من النوع المووسوس ... و بغض النظر عن رساله الخطا الخاصه بايصال صرف الخبز طلعت او مطلعتش ... . ممكن تجرب تدخل علي الموقع و تشوف بطاقتك محتاجه تحديث و لا مش محتاجه .
لو مش محتاجه تحديث الموقع هيقولك " لا توجد بيانات " ( مرفق صورة )
لو محتاجه تحديث الموقع هيفتح بيانات بطاقتك و هتلاقي بيانات المستفيدين .
طب ازاى اعمل تصحيح او تحديث
هندخل علي الموقع مع خلال التليفون او الكمبيوتر و نختار " حدث بياناتك " من الجزء العلوى للشاشه و بعدين ندخل رقم البطاقه اللي بيبدأ برقم ١ و بيكون مكتوب بخط صغير اسفل بطاقه التموين و ندخل الرقم القومي لصاحب البطاقه اللي بيكون بردة مكتوب علي بطاقه التموين بخط اكبر من رقم البطاقه و بعدين ندوس علي الزرار اللي تحت و مكتوب عليه " حدث البيانات " مرتين ورا بعض .. ( مرفق صورة ).
اذا فتحت البطاقه و ظهرت بيانات المستفيدين يبقي نضغط علي اسم كل مستفيد و نراجع كل البيانات و نصحح الخطأ و نستكمل البيان الناقص ( اسم رباعي - رقم قومي - صله القرابه -. الخ ) و ندوس حفظ في الاخر .
اذا لاقينا مستفيد زيادة نعمله حذف، اذا لاقينا مستفيد تم طلب حذفه للوفاة بالسابق و ما زال موجود نعمله حذف، منعملش أضافه لاي مستفيد اخر لان دة لازم من خلال مكتب التموين فقط، نراجع بيانات الموجود بس و نحذف المضافين بالخطأ عشان نستفيد من الاعفاء من دفع غرامه الصرف بالسابق " فروق الاسعار. "
طب و اذا لم يظهر اى بيانات للبطاقه و ظهرت رساله " لا توجد بيانات " بعد ما دوسنا علي زر " حدث البيانات " و اتاكدنا من صحه ادخال رقم البطاقه و الرقم القومي، يبقي كدة البطاقه دى مفيهاش اي اخطأء و مش محتاجه اى تدخل منك و انت كدة في السليم .
وتهيب الوزارة بالسادة المواطنين سرعة تحديث البيانات وتصحيح الأخطاء بهذه البطاقات، حتى لا يتم الغاء البطاقة، حيث سيتم الغاء البطاقات التى بها اى خطأ بدايه شهر نوفمبر ٢٠١٨، وحال الغاء اى بطاقة من هذه البطاقات بعد هذا التاريخ وتظلم صاحبها سيقوم بالتقدم بطلب لإصدار بطاقة تموينية جديدة وفقاً لإجراءات وضوابط وقواعد اصدار البطاقات التموينية الجديدة. https://www.tamwin.com.eg
***********************
***********************
ليست هناك تعليقات:
إرسال تعليق