كمالة عدد
احمدالسعيدالفقي
اللي كنا فاكرينه
ضهر لينا وسند
كنا بنتباهي بيه
وبنخاف عليه
من الحسد
كان في عينينا
زي الأسد
شجاع جريء
قلبه ميت
عمره ماخاف من حد
جبل شامخ
ثابت في الأرض
كأنه وتد
فارس بحق وحقيق
تلقاه وقت الضيق
تتعكز عليه وتتسند
أتاريه كان كلام
حشو فاضي والسلام
عشنا معاه
عمر بحاله في الأوهام
والفارس المقدام
طلع شبح من الماضي
وسيفه الماضي
طلع خشب
ويالا العجب
حكايته مالية البلد
وأكم سمعنا حكاوي
عن أشاوس
ليهم في الحرب باع
الكبير فيهم
هو اللي باع
والباقي كمالة عدد
عايشين عالة
شاطرين في القوالة
يبنوا إستحالة
ليهم رسالة
قلوبهم ميالة
دايما للخراب والهدد
***********************
***********************
ليست هناك تعليقات:
إرسال تعليق