مالك إنت ومال لغة العيون
خليكى بقا أنتى .. ف حالك
إلعبى فى الشئ المضمون
وارتاحى .... . وريحى بالك
لا انتى ليلى ولا انا مجنون
علشان ادوب قوى فى جمالك
دا الموضوع أبسط مايكون
أنا المخدوع .... فى موالك
..... ..... ..... .....
انا القلب اللى عاش مخدوع
فى قلب من الحجر مصنوع
كان بيكى طاير مابين الضلوع
لخوفك أمان وف ليلك شموع
كان منى عينه فى وصالك
..... ...... ...... .....
سقاكى سعاده سقيتيه دموع
كان مرتاح سيبتيه موجوع
ف بحرك تاه من غير قلوع
لاطال وصال ولا طال رجوع
ياريت ماخدتيه ف ترحالك
.... ..... ..... .....
أنا شمعك ليه بس طفيتيه
أنا وردك .. وانتى قطفتيه
أنا أملك .... وانتى قتلتيه
أنا ميت .. مش بكيتى عليه
ولا عرف الوفا يوم أمثالك
.... .... .... .... ....
مقطع من القصيده الغنائيه
***********************
***********************
ليست هناك تعليقات:
إرسال تعليق