ابتدي الحرف الضعيف
لحظة ميلاد العشق
في قلب الوريد
ينزف كلام
واختار
من الصمت الخريف
بدل الربيع
يطرح سلام
واختار لئام
تحرس قلوب
لسه يادوب
من نظرتين
غرقانه ف بحور الغرام
ولأنه
لسه بيبتدى
يحبي علي سطر الالم
وللا داقش مُر ف دنيته
وللا حتي كاس اللي انظلم
قطف الزهور قبل الميعاد
من جنة الحب اللي زاد
جوه القلوب المحرومين
من نبض فاق كل الكلام
و الابتسام
اللي ابتدى يطرح ورود
فوق الخدود
وعيون بترفض كل شيئ
كان فيه ملام
وف نُص سطر الكراسات
حرفي الضعيف
م الخضه مات
مش بس نام
لا حقق الحلم اللي كان
وللا كان لحرفي ذكريات
غير دمعتين
متشعبطين
فوق اللي باقي
من بواقي حروف هجاء
في نص مات ...لم يكتمل
كان نفسه يفرح بالأمل
لما ابتدى حرفي الضعيف
يكتب كلام
من غير علام
لعيون حبيبه بتشتهى
ظُلم الأنام
*********************
رضا أبو الغيط
***********************
***********************
ليست هناك تعليقات:
إرسال تعليق