يا لي عايش الحياة كأنها ملكك
وفاكر أنك وحدك لا قبلك ولا بعدك
ازاي مقوي قلبك وشيطانك عاميك
سارح ف أرض الله وبتنكر ذنبك
يا لي باقي ع الوعد ايه اقوي من الصبر ايه قولي
دا إلي يخون العهد لا بيصوم ولا يصلي
قولي مين لو ف آخر الكون يقدر يوصلي
ربك وحده يا ابن آدم هو إلي فاضلي
يا لي سارح ف الحياة الخمرة والسيجارة
غلبان وعايش يا ولد اه والعيشة دي مرارة
مصاحب كاسه يا حياة ودماغة سيبها ف خمارة
حايجي يوم والدمع مش حايفارق عيونه يا خسارة
يا لي عايش لنفسك واخد الدنيا علي هواك
لو كنت محافظ علي عهدك كان ربك من نفسك حماك
الدنيا مش دايمه وكلنا حنفارق دا أكيد
صلح نفسك يا ابن آدم اوعي الدنيا تلعب بيك
إيه إلي جرالك يا زمانا الكل عايش بيهاتي
محدش في الحياة صانا وياما بقابل ف حياتي
في ناس بتاجر باحلمنا والتجارة بالناس شئ عادي
وناس بتلعب بعقولنا وناس في عقولنا بتدادي
محمد شفيق مرعي
15/10/2018
***********************
***********************
ليست هناك تعليقات:
إرسال تعليق