خليه يبيع طراطير
وبطل كلام
عن العلام
لاانا ولا انته
لينا ف اى حته
قيمه او تقدير
سيبك م الجامعه
والشهاده الكبيره
انت ف عيونك دمعه
ونايم ع الحصيره
وغيرك
بهدل مصيرك
وهوه بيشرب بيره
وف دماغه
اشتغلت التعميره
واكتسح
اللى انشبح
على لقمة فطيره
وعوج ميزان العدل
وحوجك
للجرجير والفجل
وسرق م المشنه التقميره
ابنك علمه التناحه
وتباتة الصدغ
ونسيه اصوله
وكرهه ف ميوله
عشان يجيب المضغ
وبلاش تغشم
وتتعشم
ف قيمه كبيره
لابن فقير
ف زمن عسير
الحق ما جبلوش
وسط الوحوش
سيره
ولا خلاله نصيب
ف مسيره
----------
الشاعر \\ عبد العليم ابو عبده
كلماتى ومسحله ياسمى
***********************
***********************
ليست هناك تعليقات:
إرسال تعليق