(متقليش حاجه مجروحه)
لما الروح تقابل روح
ويبقوا لبعض كتاب مفتوح
تنسى ما كان ..قد ما كان قلبك مجروح
لما تقابلك خطوه خجوله كلها بوح
ونته برضه..بخطوه عجوله ليها تبوح
تبقى الدنيا مش معقوله ..جنه جنان
وِقطَف زي ما عايز تقطف
مش محتاجه تمد إيدك
بس شاور .. تلقى كله
كله دان
....
هوه دلِّي يًرُد الروح
مش رصيدك ، ولَّا الشقه الشرحه البرحه
حتى ان كانت وسط النيل
وست جميله ..قاعده جنبك بالعربيه
من همومك عنها سارح
وهي برضه عنك سارحه
سارحه ب إيه مش .. موضوعنا
....
إيَّاك فاكر إني معايز زي ماعندك
أيوه عايز .. يمكن أكتر
إنت معاك مال وجمال
يفتح ليك أبواب محال
حدِّ زيِّ بيوم يفتحها
بس قولي ..من ده كله .. روحك فين
متقلِّيش ..أصل ..صراحه
متقليش حاجه مجروحه
متقليش روحك فين
ربنا يعلم ..إن كان عايشه
ولا هناك ..فين ملقوحه
...
أيوه عايز ..زي ماعندك
أيوه عايز يمكن أكتر
بس إيه ..من ماخسر أي حاجه تمس الروح
من ما خسر سفينة نوح ..***
عصمت ديري/
***********************
***********************
ليست هناك تعليقات:
إرسال تعليق